Kroacia optimiste për anëtarësimin në NATO

04/07/2008

ZAGREB, Kroaci -- Nënkryeministri Damir Polancec tha të enjten (3 korrik) se përveç përfitimeve të sigurisë, Kroacia do të gëzojë përfitime të ndjeshme ekonomike nga anëtarësimi vitin tjetër në NATO. Duke folur në një konferencë ndërkombëtare mbi hyrjen në NATO, në Zagreb, Polancec tha se ai pret që anëtarësimi të nxisë investimet e huaja dhe të rritë rritjen ekonomike. "Investitorët potencialë do të ndjehen më të sigurtë tani, kur të vendosin të investojnë në Kroaci. Kjo është me rëndësi të veçantë, pasi ne duam të tërheqim më shumë investitorë në terren se ç'ishte rasti në të kaluarën, kur kishim shumë pak," tha Polancec.

Gjithashtu të enjten, ministri i jashtëm kroat Goran Jandrokoviç u takua me homologun e tij çek Tomas Pojar. Ata vlerësuan nivelin aktual të lidhjeve të ndërsjellta, me Jandrokoviç që që tregoi se mbështtja e vendit të tij do të jetë në dispozicion gjatë presidencës çeke të BE e cila fillon në janar. (Vjesnik - 04/07/08; Javno.com, HINA, Reuters - 03/07/08)