Gruevski do të mbajë raundin final të bisedimeve përpara se shpallë koalicionin e ri qeverisës të Maqedonisë

04/07/2008

SHKUP, Maqedoni -- Kryeministri Nikola Gruevski do të mbajë edhe një raund bisedimesh me Bashkimin Demokratik për Integrimin, Partinë Demokratike të Shqiptarëve dhe Partinë për të Ardhmen Evropiane, tha zëdhënësi i qeverisë Ivica Boçevski. Gruevski mbajti një raund të tretë konsultimesh me të tre partitë të enjten (3 korrik). Boçevski mohoi zërat se bisedimet mbaruan me dështim duke thënë se negociatat po vazhdojnë sipas planit. E përditëshmja Utrinski Vjesnik përmend një burim të paidentifikuar që thotë se marrëveshja e koalicionit do të nënshkruhet të hënën. (Utrinski Vesnik, Dnevnik - 04/07/08; Makfax, A1 TV - 03/07/08)