Ylli i futbollit rumun i dëshpëruar rreth humbjes

27/06/2008

Një gjuajtje e gabuar penalltie nga ylli i futbollit rumun Adrian Mutu në ndeshjen e ekipit të tij kundër Italisë prishi shanset për kalimin përtej grupit C në Euro 2008. Duke shkruar në bllogun e tij, Mutu do që të mund ta kthente pas kohën.

Nga Paul Kiokoiu për Southeast European Times në Bukuresht -- 27/06/08

Sulmuesi rumun Adrian Mutu reagon ndaj mundjes së ekipit të tij në 17 qershor me Hollandën në Euro 2008. Rumania humbi 2-0 dhe u eleminua ngha konkurimi. [Getty Images]

Në turneun e Euro 2008, Rumania luajti lojë mbrojtëse por kishte një pikë më shumë se Franca dhe Italia ndërsa hyri në ndeshjen me Hollandën. Ekipit i duhej një fitore e pastër për të shkuar në çerekfinale. Ai humbi, duke lënë ekipin italian të kalojë më tej.

Kritikët qenë të ashpër me trainerin Viktor Piturka dhe yllin e skuadrës Adrian Mutu, i cili humbi një gjuajtje penalltie në një ndeshje të mëparshme me Italinë. Një gjuajtje e suksesëshme do ta kishte lejuar Rumaninë të shkonte më tej në konkurim pavarësisht nga rezultatet e tjera në grupin C.

"Ka disa ditë që kur jam kthyer dhe ende kam atë ndjenjën e të kthyerit të kohës pas," shkruan Adrian Mutu në bllogun e tij. "Futbolli është vërtet i bukur por gjithashtu i dhimbshëm ,' shton ai, duke pranuar se nuk e ka "tretur" ende gjuajtjen e gabuar.

"Një tjetër gjë që nuk kuptoj është se pse rumunët kanë këtë shtytje të çmendur për të gjetur një kokë turku," thotë ai. "Shumicën e herës ata harrojnë se futbolli është një sport ekipor për të mirë apo për të keq," shton ai, me një flakurimë për "gazetarët e talentuar që vetëm e kanë parë futbollin por kurrë s'e kanë luajtur".

Miguel bashkohet me diskutimin. "Nuk je ti ai që është përgjegjës për dështimin e Rumanisë por i gjithëp ekipi dhe mentaliteti i tij humbës. Nuk është ajo penallti e gabuar që nxorri Rumaninë nga loja por koncepti i faliementuar i lojës," argumenton ai.

Florinbudescu shkruan: "Unë nuk e ndjej shtysën për të gjetur një kokë turku. Jam vetëm i interesuar të ndjek futbollin rumun atje ku i takon dhe situata e tanishme më shqetëson së thelli sepse unë mendoj se vlera e Rumanisë është më e lartë se klasifikimi zyrtar i tanishëm."

AlexandruC rreket të ngushëllojë Mutu. "Skuadra luajti mirë së bashku. Ti pate atë shkëndijë prej gjeniu për të cilën je i famshëm, kur shënove kundër Italisë. Goditja [e penalltisë] u prit, nuk u humb; ajo u prit nga portjeri më i mirë në botë," vë në dukje ai.

"Mos u merakos, Mutu! Ti ke të drejtë; ne të gjithë jemi të pakënaqur. Ne jemi dhe po kështu je ti, por të gjithë ne mësojmë nga gabimet," shton Replica.